Transcription
1
Monseigneur, je vois toutes choses si incertaines quà grande peine vous puis je
2
escrire quelque chose de certain. Lassemblée de Millau est finie, en laquelle
3
ont esté deleguez quatre pour assister à la conference, si aucune sen faict avec
4
monseigneur le mareschal et monsieur le duc d’Uzès. Les deux principaux
5
depputez sont monsieur Lhospital, conseiller en la court du parlement de
6
Thoulouze et monsieur d’Yolet, gentilhomme de Rouergue ou Auvergne, lequel
7
est arrivé icy il y a deux jours et a declaré que si on ne levoit
8
larmée de devant Florensac et Pommerol, ladicte assemblée na voulloir ny
9
paix, ny surceance darmes. Toutesfois mondit seigneur a accordé de surseoir
10
toutes choses pour le regard de Florensac jusques à ce qu’ait esté debatu
11
sil est bien ou mal prins, et quant à Pommerol, daultant quil estoit
12
incertain si on avoit jà commencé à le battre et quil pensoit lartillerye
13
estre jà sur le bord du fossé, il a declaré pour le bien de paix, quil
14
estoit content que deux gentilzhommes se transporteroient à Pommerol, lun
15
des siens et lautre qui accompaigne ledit sieur d’Yolet ; et au cas que ceulx
16
de dans vouldroient sortir, il le leur permectois avec leurs armes et
17
hardres, lenseigne desployée et le tabour battant, autrement voulloit que
18le canon fit son debvoir ; et au cas qui auraoit [barré : jà ] esté jà faicte
19
quelque capitulation entre les cappitaines de notre armée et les assiegez
20
dans ledit Pommerol, elle sortiroit effect et si tant estoit que [ajouté : à] larrivée
21
desdictz deux gentilzhommes ledit Pommerol se trouveroit prins, cestoit
22
chose où les hommes ne peuvent remedier. Lesdits deux gentilzhommes
23
sont partiz ceste après disnée et les actendons à demain au soir.
24
Au surplus, la conclusion de lassemblée dudict Millau a esté advisé
25
avant quentrer en plus grande conference que ceulx de la religion
26
envoyeroient ung gentilhomme des leurs au roy qui est ledit sieur
27
d’Yolet, pour entendre de la bouche de sa maiesté ce quil luy plaira
28
leur accorder de leurs demandes, ce que ostera mesdictz seigneurs
29
[223 v°] les marechal et duc d’Uzès et ceulx qui sont deleguez avec eulx, de la peine
30
de la conference. Ledit sieur d’Yolet espère estre de retour dans le XVIIIe
31
jour daprès quil sera party et delibère partir lundy. Ce seroit justement
32
pour arriver aux estatz qui sont prolongez jusques au XVe du mois
33
prochain. Quant à la continuation de la trefve, encore quelle soit publiée
34
es diocèses de Montpellier, Nismes et Uzès et es pays de Viverays
35
et des Genève, chacune est encore du craincte. Toutesfois, il a esté arresté
36
en ladicte assemblée que ladicte suspension sera observée par tout ailleurs où
37
ceulx de la religion commandent, soit en Languedoc, Guyenne et Rouergue ;
38
et a, mondit seigneur le marechal, despeché en plusieurs du costé de Thoulouse
39
et du gouvernement de monsieur ladmiral pour y en faire faire publication.
40
Dieu vueille quelle soit bien observée. Deux des arbitres venuz de Nismes
41
sont icy, en actendant dans deux jours lautre pour le reglement des
42contributions où nous serons fort empeschez. Quant aux lieux où [barré : com ]
43
commandent messieurs de Grignan et le viconte Paulin, il y aura autres
44
arbitres, tant de leur part que de celle de monseigneur le marechal, comme
45
je croy quil sera espedient quen fassiez de mesme en Daulphiné pour y
46
regler lesdictes contributions , et croy que mondit seigneur le marechal
47
trouvera bon que vous et le sieur de Montbrun deputés quelques
48
personnages pour faire ce reiglement sans vous conformer aux expeditions
49
qu’on pourra prendre pardeça, car tous piedz ne se chaussent à une
50
forme , et seroit chose trop difficille et trop longue, voire impossible
51
de nous comuniquer les uns aux autres les reiglementz qui se feront
52
sur ladicte contribution par tous les pays de Guyenne, Rouergue,
53
Languedoc et Daulphiné, car le temps de la suspension sera expirée avant
54
qu’on ait osté dung bout à lautre, si chacun estoit aussi las des
55
dissentions civilles que moy qui nay dissention avecques personnes,
56
nous serions bien tost en bonne paix, de laquelle ne sortirons de
57
[224] noz vies. Je suis en grande peine de mon nepveu, lequel nest encore arrivé et sont
58
jà passez XXIIII jours quil est reparty. Je nay jamais senty printemps
59
en France si chault comme jay faict ceste hyver à Montpellier où il na
60
encore ny gellé, ny glasse, ny neigé. Mais nous nous sommes encores au dernier
61
jour de febvrier. Je men vois surce humblement recommander à votre bonne
62
grace et pryant le Createur,
63
Monseigneur, vous donner en parfaicte santé longue et heureuse vie. De
64
Montpellier, ce XXIIIIe jour de décembre 1573. Votre à jamais plus
65
fidelle et plus affectioné serviteur. Truchon